Jamnagar News: બેડી બંદર રોડ પર યુવાનને ઓવર સ્પીડમાં કાર ચલાવી વીડિયો બનાવવો ભારે પડ્યો, પોલીસે કાર સાથે દબોચ્યો

જામનગરમાં રીલની ઘેલછામાં યુવક બેફામ બન્યો હતો. બેડી બંદર રોડ પર એક યુવાને ઓવર સ્પીડમાં કાર ચલાવી વિડીયો બનાવ્યો હતો. ફેમસ થવા ઓવર સ્પિડમાં કાર ચલાવીને વીડિયો બનાવનાર સામે પોલીસે કાયદાનો દંડ ઉગામ્યો હતો. કારચાલક સામે પોલાસે જુદી-જુદી કલમો હેઠળ ગુનો નોંધી આરોપીની અટકાયત કરી છે.

રીલની ઘેલછામાં યુવક બેફામ બન્યો

શહેરમાં બેફામ કાર હંકારી રીલ બનાવી સો.મીડિયામાં મૂકી ફેમસ થવાની ઘેલછામાં પોલીસે 19 વર્ષના જાબીર સાઇચાની અટકાયત કરી છે. યુવાને પોતાની જી.જી.10 ડી.આર. 3579 નંબરની સ્કોર્પિયો કારને બેડી બંદર રોડ પર ચલાવીને વીડિયો બનાવ્યો હતો. પોતે ફેમસ થવા આવુ કૃત્ય કર્યું હતું. જામનગરના યુવકને સોશિયલ મીડિયામાં ફેમસ થવું ભારે પડ્યું છે.

પોલીસે સ્કોર્પિયો કારના ચાલકની અટકાયત કરી

સાયબર ક્રાઈમ પોલીસે સ્કોર્પિયો કારના ચાલક સામે જુદી જુદી કલમો હેઠળ ગુનો નોંધી અટકાયતમાં કરી છે. બેડી બંદર રોડ પર ઓવર સ્પીડમાં સ્કોર્પિયો કાર ચલાવી તેની રીલ બનાવી ફેમસ થવા માટે ઇન્સ્ટાગ્રામમાં રીલ મુકી હતી. જાબીર મહેબુબભાઇ સાઇચા નામનો 19 વર્ષના યુવાન કે જે સ્કોર્પિયો કાર કે જે બેડી બંદર રોડ પર ઓવર સ્પીડમાં ચલાવી અને તેનો વિડીયો બનાવ્યો હતો.