Jasdanમાં ડી.એસ.વી.કે. હાઈસ્કૂલ નજીક વીજ સબ સ્ટેશનમાં શોર્ટ સર્કિટ, ભારે ધડાકા અને તણખા ઝરતા લોકોમાં સર્જાયો ભયનો માહોલ


રાજકોટ જિલ્લાના જસદણ શહેરમાં આવેલા ડી.એસ.વી.કે. હાઈસ્કૂલ નજીક આવેલા વીજ સબ સ્ટેશનમાં આજે અચાનક શોર્ટ સર્કિટ થતાં ભારે ધડાકા અને તણખા ઝરતા જોવા મળ્યા હતા. જેના કારણે રસ્તા પરથી પસાર થતા લોકોમાં ભયનો માહોલ ફેલાયો હતો. એક સ્થાનિક દ્વારા આ સમગ્ર ઘટનાના દ્રશ્યોને કેમેરામાં કેદ કરવામાં આવ્યા હતા.

જસદણના DSVK હાઈકુલ પાસે સબ સ્ટેશનમાં શોર્ટ સર્કિટ

Also Read

જે હવે સોશિયલ મીડિયા પર વાયરલ થયા છે. બપોરના સમયે અચાનક સબ સ્ટેશનમાં શોર્ટ સર્કિટ થઈ હતી. આ શોર્ટ સર્કિટ એટલી ગંભીર હતી કે એક પછી એક ધડાકા થતા હતા અને વીજ તણખા ઉડતા હતા. જેણે ભયજનક વાતાવરણ સર્જ્યું હતું. આ ઘટના સમયે રસ્તા પરથી પસાર થઈ રહેલા વાહનચાલકો અને રાહદારીઓ ગભરાઈને દૂર ભાગ્યા હતા.

રોડ પર નીકળતા મુસાફરોમાં ફફડાટ જોવા મળ્યો

સબ સ્ટેશનમાં શોર્ટ સર્કિટથી અચાનક આગ ફાટી નીકળતા લોકોમાં નાસફાગ મચી હતી. સ્થાનિકો દ્વારા આ સમગ્ર ઘટનની જાણ કરવામાં આવી હતી. લોકો પોતાનો જીવ બચાવવા અને દુર્ઘટનાથી બચવા માટે આમતેમ દોડતા જોવા મળ્યા હતા. આવી ઘટનાઓથી લોકોના જીવ જોખમમાં મુકાતા હોય છે. ધડાકા થવા પાછળનું કારણ હજી જાણી શકાયુ નથી.


  • Follow us on: