Kachchh : વધુ એક લવ જેહાદની ઘટના, વિધર્મી યુવકે હિન્દુ યુવતીને પ્રેમજાળમાં ફસાવી બનાવી ગર્ભવતી

રાજ્યમાં વધુ એક વખત લવ જેહાદની ઘટના સામે આવી છે. કચ્છ જિલ્લામાં આ લવ જેહાદની ઘટના સામે આવી છે. ભુજની હિન્દૂ યુવતી લવ જેહાદનો શિકાર બની છે. વિધર્મી યુવકે હિન્દૂ યુવતીને ફસાવીને યુવતીનું શારીરિક માનસિક અને આર્થિક રીતે શોષણ કરીને તેને ગર્ભવતી બનાવીને તરછોડી દેવામાં આવી છે.

લગ્નની લાલચ આપી શારીરિક શોષણ કરી ગર્ભવતી બનાવી તરછોડી દીધી

આ મામલે યુવતીએ આખરે વિધર્મી યુવક સામે પોલીસ ફરિયાદ નોંધાવી છે. લવ જેહાદના બનાવ મામલે હિન્દુ યુવા સંગઠન ભારત દ્વારા આજે કચ્છ કલેકટરને આવેદનપત્ર પાઠવી આરોપી જમીલ હુસૈન સામે કડક કાર્યવાહી કરવાની માગ કરવામાં આવી છે. આ સમયે ભોગ બનનાર પીડિતાએ પોતાની આપવીતી જણાવી હતી. છેલ્લા ત્રણ વર્ષથી વિધર્મી યુવક પરિણીત હોવા છતાં પણ હિન્દૂ યુવતીને લગ્નની લાલચ આપી શારીરિક શોષણ કરી ગર્ભવતી બનાવી તરછોડી દીધી છે. લવ જેહાદનો ભોગ બનેલી હિન્દૂ યુવતીને ન્યાય મળે તેવી માગ સાથે હિન્દૂ યુવા સંગઠન ભારત દ્વારા આવેદન પાઠવી લવ જેહાદી નરાધમ વિરુદ્ધ કડક કાર્યવાહી કરવામાં આવે તેવી માગ કરવામાં આવી છે.

પાલનપુરમાં લવ જેહાદનો મામલો સામે આવ્યો

આ પહેલા 3 જુલાઈએ પણ પાલનપુરમાં લવ જેહાદનો મામલો સામે આવ્યો છે. ભાગળ ગામના વિધર્મીએ હિન્દુ મહિલાને ફસાવી છે. મહિલાને ફસાવી ધર્મ પરિવર્તનનો પ્રયાસ કર્યો હતો. બુરખો-માળા પહેરાવી ધર્મ પરિવર્તન કર્યાનો આક્ષેપ છે. પોલીસે મહિલાને વિધર્મીની ચુંગલામાંથી છોડાવી છે. પોલીસે જાવેદ ઉસ્માન મેરેડીયાની અટકાયત કરી છે. મહિલાને લોભ લાલચ આપી પ્રેમજાળમાં ફસાવી હતી.