Kadiના નવાપુરા ગામે ગ્રામ પંચાયતની સભા બાદ યુવક પર હુમલો કરતા મામલો ઉગ્ર બન્યો

મહેસાણાના કડીના નવાપુરા ગામે મારામારીની ઘટના સામે આવી હતી. ગ્રામ પંચાયતની ગ્રામ સભામાં મારામારી થઈ હતી. રોડ બનાવવા મુદ્દે રજૂઆત કરતા મારામારી થઈ હતી. કેટલાક લોકોએ લાકડીથી હુમલો કર્યાના આક્ષેપ કરવામાં આવ્યો છે. મહિલાઓએ રોડ બનાવવા રજૂઆત કરતા બબાલ થઈ હતી. નંદાસણ પોલીસે વધુ તપાસ હાથ ધરી છે.

ગ્રામ પંચાયતની ગ્રામ સભામાં મારામારી 

કડી તાલુકાના નવાપુરા ગામે ગ્રામસભા યોજાઈ હતી. ગ્રામસભામાં રોડ રસ્તા સહિત વિકાસના મુદ્દે રજૂઆત કરતા મામલો ઉગ્ર બન્યો હતો. સામાન્ય મારા મારી સર્જાઈ હતી. આ ઘટનાની જાણ થતા નંદાસણ પોલીસ તેમજ ગ્રામજનો દોડી આવ્યા હતા અને મામલો થાળે પાડ્યો હતો. પરંતુ મોડી સાંજે ગામનો યુવક પોતાના કામ ધંધેથી પોતાના ઘરે પરત આવતો હતો, તે દરમ્યાન કેટલાક શખ્સો દ્વારા યુવક ઉપર હુમલો કર્યો હતો જેમાં યુવક ઇજાગ્રસ્ત થયો હતો.

ગ્રામજનો નંદાસણ પોલીસ સ્ટેશન દોડી આવ્યા 

ઇજાગ્રસ્ત યુવકને સારવાર અર્થે મહેસાણા હોસ્પિટલ ખસેડવામાં આવ્યો હતો. જેને લઇ ગામના મહિલાઓ સહિત ગ્રામજનો નંદાસણ પોલીસ સ્ટેશન દોડી આવ્યા હતા. જ્યાં પોલીસ કામગીરી સામે નારાજગી દર્શાવી મહિલાઓએ સૂત્રોચાર કરી છાજીયા લીધા હતા. તેમજ યોગ્ય ન્યાય મળે તેમજ આરોપીની ધરપકડ કરવાની માંગ કરી હતી. નંદાસણ પોલીસ દ્વારા નવાપુરા ગામમાં કોઈ અનિચ્છનીય ઘટના ના બને તે માટે બંદોબસ્ત ગોઠવી ફરિયાદ લેવાની કાર્યવાહી હાથ ધરી હતી.