Kutchના માંડવીમાં સર્જાયો ગમખ્વાર અકસ્માત, ટ્રકની ટક્કરે બે કિશોરોના નિપજ્યા કરૂણ મોત

કચ્છના માંડવી તાલુકામાં આજે એક ગમખ્વાર અકસ્માત સર્જાયો છે. જેમાં બે માસૂમ કિશોરોએ પોતાના જીવ ગુમાવ્યા છે. માંડવી-મુન્દ્રા હાઈવે પર આવેલા ફરાદી ત્રણ રસ્તા નજીક એક બેફામ ટ્રકે બાઈકને ટક્કર મારતા આ દુર્ઘટના બની હતી. બંને કિશોરો બાઈક પર સવાર થઈને પસાર થઈ રહ્યા હતા ત્યારે સામેથી પૂરપાટ ઝડપે આવી રહેલી એક ટ્રકે તેમને જોરદાર ટક્કર મારી હતી.

માંડવીના ફરાદી ત્રણ રસ્તા નજીક અકસ્માત સર્જાયો

ટક્કર એટલી ભયંકર હતી કે બાઈકનો કચ્ચરઘાણ નીકળી ગયો હતો અને બંને કિશોરોને ગંભીર ઈજાઓ પહોંચી હતી. અકસ્માત બાદ તાત્કાલિક આસપાસના લોકો મદદ માટે દોડી ત્યાં દોડી આવ્યા હતા. પરંતુ માથા અને શરીરના અન્ય ભાગો પર ગંભીર ઈજાઓ પહોંચવાને કારણે બંનેનું ઘટનાસ્થળે જ કરુણ મોત નીપજ્યું હતું.

ટ્રકની ટક્કરે બાઈકસવાર 2 કિશોરના મોત

આ ઘટનાની જાણ થતાં જ કોડાય પોલીસ તાત્કાલિક સ્થળ પર પહોંચી હતી. પોલીસે અકસ્માત સર્જનાર ટ્રકના ડ્રાઈવર વિરુદ્ધ ગુનો નોંધીને વધુ તપાસ હાથ ધરી છે. પોલીસે ટ્રક ડ્રાઇવરની શોધખોળ શરૂ કરી છે. આ દુર્ઘટનાએ ફરી એકવાર વાહન ચાલકોની બેદરકારી અને માર્ગ સલામતીના નિયમોના ભંગ પર સવાલો ઉભા કર્યા છે. પોલીસે લોકોને વાહન ચલાવતી વખતે સાવધાની રાખવા અપીલ કરી છે.