Ahmedabad : સાકોદરા ગામે ડિગ્રી વગર એલોપેથી દવા આપતો બોગસ ડોક્ટર ઝડપાયો

અમદાવાદ ગ્રામ્યમાં સ્પેશ્યલ ઓપરેશન ગૃપ દ્વારા એક બોગસ ડોક્ટર પકડવામાં આવ્યો છે. ધોળકા જિલ્લાના સાકોદરા ગામે બોગ્સ ડોક્ટર બનીને પ્રેક્ટિસ કરતા દિપકંર દિલીપભાઈ હિરાને પોલીસે ઝડપી પાડ્યો હતો.

ડીગ્રી વગર એલોપેથીક તબીબી પ્રેક્ટીસ કરતો

આ બોગસ ડોક્ટર ડીગ્રી વગર એલોપેથીક તબીબી પ્રેક્ટીસ કરતો હતો અને ગેરકાયદેસર દવાઓ વિતરણ કરતો હોવાનું જાહેર થયું છે.

 દવાઓ અને સાધનો જપ્ત કરવામાં આવ્યા

મેડીકલ ઓફીસર ગાંગડ પી.એચ.સીના સંકલનમાં રહીને પોલીસને જાણવા મળ્યું કે આરોપી જુદી-જુદી કંપનીની એલોપેથીક દવાઓ અને મેડિકલ સાધનોનો ઉપયોગ કરીને પ્રેક્ટીસ ચલાવતો હતો. તપાસ દરમિયાન કુલ રૂ. 3,97,902/- મૂલ્યના દવાઓ અને સાધનો જપ્ત કરવામાં આવ્યા.

પોલીસમાં ગુનો નોંધાયો

આ ઘટનાને ધ્યાનમાં રાખીને કેરાળા જી.આઈ.ડી.સી. પોલીસ સ્ટેશનમાં એફ.આઈ.આર. નોંધાઈ છે. ગુનો ભારતીય “ગુજરાત રજીસ્ટર્ડ મેડિકલ પ્રેક્ટીસ એક્ટ, 1963”ની કલમ 30 હેઠળ નોંધવામાં આવ્યો છે.અને તપાસ શરુ કરી છે.

આ પણ વાંચો---    Vadodara : બરોડા ડેરીની ચૂંટણી પહેલા ગરમાવો, કુલદીપસિંહ રાઉલજીનો ઘટસ્ફોટ, હું ઝુક્યો નથી અને ઝુકીશ પણ નહી