ગુજરાતમાં રાજકોટ ગેમઝોન અગ્નિકાંડની ઘટના બાદ બીયુ અને ફાયર સેફ્ટિને લઈને ઝુંબેશ હાથ ધરાઈ હતી. જે બિલ્ડિંગમાં ફાયર સેફ્ટિ ના હોય અથવા તો બિયુ ના હોય તે બિલ્ડિંગ સામે કાર્યવાહી કરવામાં આવી હતી. હવે આ મુદ્દે રાજ્ય સરકારે આદેશ આપ્યા બાદ અમદાવાદ મહાનગર પાલિકા હરકતમાં આવી છે. શહેરમાં બીયુ પરમીશન નહીં હોવાથી 35 પૈકી એક ગેમઝોન બંધ કરવામાં આવ્યો છે.
BU ન હોવાથી 35 પૈકી 1 ગેમિંગ ઝોન બંધ
રાજ્ય સરકારના આદેશ બાદ અમદાવાદ મહાનગર પાલિકાનો એસ્ટેટ અને ફાયર વિભાગ હરકતમાં આવ્યો છે. છેલ્લા ત્રણ દિવસમાં શહેરમાં અલગ અલગ કેટેગરીના એકમોમાં તપાસ હાથ ધરાઈ હતી. જેમાં 35 ગેમિંગ ઝોન પૈકી 1 ગેમિંગ ઝોન પાસે BU નહીં હોવાથી તેને બંધ કરવામાં આવ્યું હતું. 1257 હોસ્પિટલ પૈકી 9 હોસ્પિટલ પાસે BU નહીં હોવાથી સીલ કરાઈ જ્યારે એક હોસ્પિટલ બંધ કરાવાઈ છે.
