આજે ગાંધીનગરમાં મુખ્યમંત્રી ભૂપેન્દ્ર પટેલની અધ્યક્ષતામાં કેબિનેટની બેઠક યોજાઈ હતી. આ બેઠકમાં અનેક વિકાસલક્ષી પ્રોજેક્ટો અંગે ચર્ચાઓ કરાઈ હતી. ત્યાર બાદ મુખ્યમંત્રીએ ઉચ્ચ અધિકારીઓ સાથેની એક બેઠકમાં રાજ્યના મહત્વાકાંક્ષી પ્રોજેક્ટસની સમીક્ષા કરી હતી. પ્રોજેક્ટોની કામગીરીમાં કોઈ કોમ્પ્રોમાઈઝ ના થાય તે સુનિશ્ચિત કરવા મુખ્યમંત્રીએ સૂચના આપી હતી.
27 પ્રોજેક્ટની કામગીરીની સમીક્ષા કરી
મુખ્યમંત્રી ભૂપેન્દ્ર પટેલે રાજ્યના વિકાસને વેગ આપતા હાઈ ઇમ્પેક્ટ પ્રોજેક્ટની કામગીરીની પ્રગતિની નિયમિત સમીક્ષા માટે સમયાંતરે રિવ્યું મીટિંગનો નવતર અભિગમ અપનાવ્યો છે.મુખ્યમંત્રીએ આ અભિગમને આગળ ધપાવતાં બુધવારે ગાંધીનગરમાં યોજાયેલી એક ઉચ્ચસ્તરીય બેઠકમાં કુલ રૂ.11,360 કરોડના કુલ 27 પ્રોજેક્ટની કામગીરીની સમીક્ષા કરી હતી.
