Ahmedabad News : અમદાવાદમાં મહિલાઓની સુરક્ષા માટે ઈમરજન્સી કોલ બોક્ષસનો પ્રોજેકટ સફળ, સંદેશ ન્યૂઝે આ બાબતે કર્યુ રિયાલિટી ચેક

નિર્ભયા સેફ સિટી પ્રોજેક્ટ અંતર્ગત શહેરના સ્કૂલ, કોલેજ, યુનિવર્સિટી અને ક્રાઇમ પ્રોન વિસ્તારમાં 150 થી વધુ ઇમરજન્સી કોલ બોક્સ લગાવવામાં આવ્યા છે. સંદેશ ન્યૂઝની ટીમે આ કોલ બોક્સનું યુનિવર્સિટી વિસ્તારનું રિયાલિટી ચેક કર્યુ.

9 મિનીટમાં પોલીસ પહોંચી સ્પોટ પર

સંદેશ ન્યૂઝની ટીમે જ્યારે યુનિવર્સિટી વિસ્તારમાં એક યુવતી દ્વારા રિયાલિટી ચેક કરાવ્યો, ત્યારે ચોંકાવનારી વાત સામે આવી યુવતીએ કોલ બોક્સ પરથી સહાયતા માટે કોલ કર્યા બાદ માત્ર 9મી મિનિટમાં જ PCR વાન સ્થળ પર પહોંચી ગઈ. આથી સ્પષ્ટ થાય છે કે ઇમરજન્સી સમયમાં આ કોલ બોક્સ મહિલાઓ માટે મૂળભૂત સેફ્ટી કવચ તરીકે સાબિત થઈ રહ્યા છે.

કોઈ પણ મહિલાએ માત્ર એક બટન દબાવતા જ પોલીસ કંટ્રોલ રૂમ સાથે સીધી વાત કરી શકે છે

આ ઇમરજન્સી કોલ બોક્સનો સૌથી મોટો ફાયદો એ છે કે કોઈ પણ મહિલાએ માત્ર એક બટન દબાવતા જ પોલીસ કંટ્રોલ રૂમ સાથે સીધી વાત કરી શકે છે. મોબાઈલ ન હોવા છતાં પણ ગણતરીના સેકન્ડોમાં કનેક્શન લાગી જાય છે. નિર્ભયા પ્રોજેક્ટ અંતર્ગત શહેરમાં અત્યાર સુધી 150 જેટલા કરતાં વધુ ઇમરજન્સી કોલ બોક્સ સ્થાપિત થયા છે, અને પોલીસને અત્યાર સુધી 150 થી વધુ કોલ્સ પણ પ્રાપ્ત થયા છે.કેટલાક લોકો કુતુહલવશ કોલ બોક્સ કામ કરે છે કે નહીં તે ચકાસવા માટે પણ કોલ કરે છે.

શહેર પોલીસનો આ પ્રયાસ મહિલાઓની સુરક્ષા માટે મહત્વનો પગલું છે

ઇમરજન્સી કલ બોક્સ ‘ક્વિક રિસ્પોન્સ’ મોડેલને મજબૂત બનાવે છે અને મહિલાઓની સલામતીની ભાવના વધુ વધારી રહ્યું છે.આગામી સમયમાં આવા સાધનોની સંખ્યા વધશે તો શહેર મહિલાઓ માટે વધુ સુરક્ષિત બનશે એમાં કોઈ શંકા નથી.