ગુજરાતમાં ડ્રગ્સ વિરોધી અભિયાન હેઠળ સ્ટેટ મોનિટરિંગ સેલ (SMC) એ શેલા-બોપલ હાઈ-બ્રિડ ગાંજા કેસમાં મહત્વની કડીઓ મેળવી છે. ચાંગોદર વિસ્તારમાં દરોડો પાડીને પોલીસે આ કેસમાં વોન્ટેડ એવા બે મુખ્ય સૂત્રધારોની ધરપકડ કરી છે. થોડા સમય અગાઉ અમદાવાદના શેલા-બોપલ રોડ પરથી પોલીસે મર્સિડીઝ જેવી લક્ઝરી કારમાં ડ્રગ્સની હેરાફેરી કરતા ત્રણ શખ્સોને ઝડપી પાડ્યા હતા.
શેલામાં 15.12 લાખનો ગાંજો ઝડપાયો હતો
આ કાર્યવાહી દરમિયાન કુલ 432 ગ્રામ હાઈ-બ્રિડ ગાંજો મળી આવ્યો હતો, જેની બજાર કિંમત અંદાજે રૂ.15.12 લાખ જેટલી થાય છે. આ ઓપરેશનમાં પોલીસે લક્ઝરી કાર અને મોબાઈલ ફોન સહિત કુલ રૂ.30 લાખનો મુદ્દામાલ જપ્ત કર્યો હતો. SMC ની તપાસમાં બહાર આવ્યું હતું કે આ નેટવર્ક પાછળ અન્ય મોટા માથાઓ સંડોવાયેલા છે.
