Ahmedabad : ચાંદખેડામાં સ્વિમિંગ પૂલ ખાઈ રહ્યું છે ધૂળ, ઉદ્ઘાટનની જોવાતી રાહ, આરંભે શૂરા અંતે અધૂરા જેવો તંત્રનો ઘાટ

અમદાવાદ શહેરના ચાંદખેડામાં આવેલી નવો સુવિધાસભર સ્વિમિંગ પૂલ બે મહિનાથી તૈયાર હોવા છતાં, હજી સુધી ઉદ્ઘાટન કરાયું નથી જેથી તેનો લાભ લોકોને મળી રહ્યો નથી. આ મામલામાં કોર્પોરેશનની લાપરવાહી જોવા મળી રહી છે.

આરંભે શૂરા અંતે અધુરા જેવો ઘાટ

કોર્પોરેશનનું તંત્ર સ્ટેન્ડીગમાં કામ મંજૂર કરાવીને કરોડોના ખર્ચે કામો તો પૂર્ણ કરાવી દે છે પણ લોકો જલ્દી તે વિકાસના કામોનો લાભ મેળવે તે માટે કોઇ આયોજન કરતું નથી અને આરંભે શૂરા અંતે અધુરા જેવો ઘાટ સર્જાય છે

11 કરોડના ખર્ચે તૈયાર કરવામાં આવેલ આ સ્વિમિંગ પૂલ આધુનિક ટેકનોલોજીથી સજ્જ

 ચાંદખેડામાં આશરે 11 કરોડના ખર્ચે તૈયાર કરવામાં આવેલ આ સ્વિમિંગ પૂલ આધુનિક ટેકનોલોજીથી સજ્જ છે અને બે મહિનાથી પાણી પણ ભરી દેવામાં આવ્યું છે.

ઉદ્ઘાટનની રાહ શા માટે જોવાઇ રહી છે

સ્થાનિકોમાં આ બાબતને લઈ પ્રશ્નો ઉઠી રહ્યા છે. નાગરિકો પૂછે છે કે આવા કરોડોના ખર્ચે બનેલો સ્વિમિંગ પુલનું કામ તો પુરુ થઇ ગયું છે તો પછી ઉદ્ઘાટનની રાહ શા માટે જોવાઇ રહી છે.

 લોકોમાં નારાજગી

સ્વિમિંગ પૂલ માટે તંત્રની શરૂઆતની તૈયારી જોવા મળી છે, પરંતુ અંતિમ પરિણામ હજી અધૂરું લાગતું જણાઈ રહ્યું છે. નાગરિકો અને મુલાકાતીઓ માટે સુવિધા ઉપલબ્ધ થવામાં મોડું થવાથી લોકોમાં નારાજગી ફેલાઈ રહી છે.

વિસ્તારના લોકો આ સુવિધાની રાહ જોઈ રહ્યા છે

ઉલ્લેખનીય છે કે આ સ્વિમિંગ પૂલ અદ્યતન ટેકનોલોજી અને સુવિધાઓ સાથે સજ્જ છે, જેના કારણે વિસ્તારના લોકો અને યુવાનો આ સુવિધાની રાહ જોઈ રહ્યા છે.

આ પણ વાંચો-----   Kutch : ખાવડા નજીક મોડી રાત્રે 4.1ની તીવ્રતાનો ભૂકંપ અનુભવાયો, ખાવડાથી 55 કિમી દૂર ભૂકંપનું એપિ સેન્ટર