31 ડિસેમ્બર નજીક આવી રહી હોવાથી યુવાઓમાં નશાખોરીના બનાવોને અટકાવવા માટે પોલીસ તંત્ર સજાગ બન્યું છે. ખાસ કરીને ડ્રગ્સ, ચરસ, ગાંજા તેમજ ઘેનની ગોળીઓ જેવા નશીલા પદાર્થોના ઉપયોગને રોકવા અમદાવાદ SOG (સ્પેશિયલ ઓપરેશન ગ્રુપ) દ્વારા FSL ટીમની મદદથી સઘન તપાસ શરૂ કરવામાં આવી છે.
સલાયવા કીટ દ્વારા તપાસ
SOG દ્વારા શહેરના મુખ્ય માર્ગો પર અલગ અલગ છ ટીમો રચી ચેકિંગ હાથ ધરવામાં આવ્યું છે. શંકાસ્પદ લાગતા યુવાઓને રસ્તા પર જ રોકી સલાયવા કીટ (Saliva Kit) દ્વારા તપાસ કરવામાં આવી રહી છે. જો કોઈ યુવાએ નશો કર્યો હોવાનું બહાર આવશે તો તેના સામે તાત્કાલિક કાયદેસર કાર્યવાહી કરવામાં આવશે, તેવી પોલીસ દ્વારા ચેતવણી આપવામાં આવી છે.
