ગુજરાતમાં દિવસે દિવસે અકસ્માત અને ટ્રાફિકની સમસ્યામાં વધારો થઈ રહ્યો છે. અકસ્માતના કેસો વધુ પ્રમાણમાં સામે આવ્યા છે. ત્યારે વર્ષ 2025માં માર્ગ અકસ્માતના કેસોની ઈમર્જન્સીમાં આઠ ટકા જેટલો વધારો થયો છે. વર્ષ 2025માં 108 ઈમર્જન્સી એમ્બ્યુલન્સ સર્વિસને માર્ગ અકસ્માતને લગતા 1.78 લાખ કોલ્સ મળ્યા છે. જે ગત વર્ષ 2024 કરતાં વધુ છે. 2024માં 1.65 લાખ કોલ્સ મળ્યા હતાં.
સૌથી વધુ 28977 કેસ અમદાવાદમાં નોંધાયા
વર્ષ 2025માં ગુજરાતમાં માર્ગ અકસ્માતને લગતી રોજની 490 જેટલી ઈમરજન્સી નોંધાઈ છે. એકંદરે ગુજરાતમાં 108 એમ્બ્યુલન્સની દોડાદોડ વધી ગઈ છે.સૌથી વધુ 28977 કેસ અમદાવાદમાં નોંધાયા છે.ગુજરાતમાં ઓવર સ્પીડ,દારૂ પીને વાહન ચલાવવા,રસ્તાઓની ફોલ્ટી ડિઝાઈન,બેદરકારીથી વાહન ચલાવવા સહિતના અલગ અલગ કારણસર રોજ અકસ્માતની ઘટનાઓ સર્જાય છે.જેમાં લોકોને જીવ ગુમાવવાનો વારો આવે છે.
