ગુજરાતમાં ઠંડીનો ચમકારો યથાવત રહ્યો છે.રાજ્યમાં કચ્છનું નલિયા શહેર સૌથી ઠુંડુ શહેર બન્યું છે.રાજ્યના મોટાભાગના શહેરોમાં 15 ડિગ્રી આસપાસ તાપમાન નોંધાયું છે.31 ડિસેમ્બરથી રાજ્યમાં હાડ થીજવતી ઠંડી પડશે.હવામાન વિભાગના જણાવ્યા મુજબ, આગામી સાત દિવસ સુધી લઘુતમ તાપમાનમાં કોઈ મોટો ફેરફાર થવાની શક્યતા નથી. જેના કારણે ઠંડીનો અનુભવ સતત ચાલુ રહેશે.
રાજ્યભરમાં ઠંડીનો ચમકારો યથાવત
સમગ્ર રાજ્યમાં ઠંડીનો ચમકારો અનુભવાયો છે. કચ્છના નલિયામાં 10 ડિગ્રી તાપમાન નોંધાયું છે. નલિયા રાજ્યમાં સૌથી ઠંડુ શહેર બન્યું છે. આ ઉપરાંત અમદાવાદમાં 13.8, ગાંધીનગરમાં 13.5, કંડલા એરપોર્ટમાં 11.5, અમરેલીમાં 12, ડીસામાં 12.8, વડોદરામાં 13, રાજકોટમાં 13.2, પોરબંદરમાં 13.4 વલ્લભ વિદ્યાનગરમાં 15.5, ભુજમાં 14.4, ભાવનગરમાં 15.4, સુરેન્દ્રનગરમાં 15.5, મહુવામાં 15.3, કેશોદમાં 15.5, દમણમાં 15, દ્વારકા 17.6, દીવમાં 16.6, સુરતમાં 19.4, વેરાવળમાં 19.2 ડિગ્રી તાપમાન નોંધાયું છે.
