ગુજરાતમાં ઉત્તર પૂર્વના પવનો ફૂંકાતા મોટાભાગના વિસ્તારમાં લઘુતમ તાપમાનમાં ઘટાડો નોંધાયો છે. રાજ્યમાં હાલમાં બેવડી ઋતુનો અનુભવ થઈ રહ્યો છે. ત્યારે હવામાન વિભાગે ઠંડીને લઈ પૂર્વાનુંમાન રજૂ કર્યું છે. હવામાન વિભાગની આગાહી પ્રમાણે લા નીનાની સ્થિતિ સર્જાતા ઠંડીની અસર જોવા મળશે. શિયાળામાં કોલ્ડ વેવની સ્થિતિ સામાન્ય રહેશે.
તાપમાનમાં મોટો ફેરફાર થવાની શક્યતાઓ નહિવત
હવામાન વિભાગ પ્રમાણે સૌરાષ્ટ્ર, કચ્છ અને ઉત્તર ગુજરાતમાં ઠંડીનું પ્રમાણ વધારે રહેશે. નલિયામાં સૌથી નીચું 10 ડિગ્રી તાપમાન નોંધાયું છે. હવે રાજ્યમાં ઉત્તરથી ઉત્તર તરફના પવનો ફૂંકાવાના શરૂ થયાં છે. આગામી સાત દિવસ તાપમાનમાં કોઈ મોટો ફેરફાર થવાની શક્યતાઓ નહિવત છે. આગામી સાતમી ડિસેમ્બર સુધી ઠંડી સામાન્ય રહેશે ત્યાર બાદ ઠંડીનો ચમકારો વધશે.
