ગુજરાતમાં શિયાળાની વિદાય લગભગ નક્કી થઈ ગઈ છે. આજથી ઉનાળાની શરૂઆત થઈ હોવાનું હવામાન વિભાગ દ્વારા ગરમીની આગાહી કરવામાં આવી છે. આજથી શરૂ થયેલા માર્ચ મહિનામાં ગરમીનો પારો 40 ડિગ્રી સુધી પહોંચી શકે છે. સૌરાષ્ટ્ર અને કચ્છમાં ગરમીનું પ્રમાણ વધારે રહેશે. પવનની દિશા બદલાતા રહેશે ગરમી અને મહતમ તાપમાન 2થી 3 ડિગ્રી વધશે.
સૌરાષ્ટ્ર અને કચ્છમાં ગરમીનું પ્રમાણ વધુ રહેશે
માર્ચમાં અંગ દઝાડતી ગરમી પડશે તેવી આગાહી હવામાન વિભાગ દ્વારા કરવામાં આવી છે અને ગરમીને લઈ હવામાન વિભાગની આગાહી સામે આવી છે. માર્ચ મહિનામાં 40 ડિગ્રી સુધી ગરમીનો પારો અનુભવાશે. સૌરાષ્ટ્ર અને કચ્છમાં ગરમીનું પ્રમાણ વધુ રહેશે. આગામી પાંચ દિવસ વાતાવરણમાં ઉકળાટ અનુભવાશે. અમદાવાદ અને ગાંધીનગરમાં 35 ડિગ્રી ગરમીનો પારો રહેશે. મહત્તમ તાપમાનમાં એકથી બે ડિગ્રીનો વધારો થશે. છેલ્લા 24 કલાકમાં નોંધાયેલ તાપમાનને લઈ વાત કરીએ તો અમદાવાદમાં 33.3, ડીસામાં 34.2 ડિગ્રી, ગાંધીનગરમાં 32.2 ડિગ્રી, ભુજમાં 33.8 ડિગ્રી, રાજકોટમાં 33.9 ડિગ્રી, કંડલામાં 32.3 ડિગ્રી તાપમાન નોંધાયું છે.
