ગુજરાતમાં આ વખતે ગરમી વધુ તીવ્ર બનશે. કેન્દ્રીય હવામાન વિભાગ દ્વારા આગાહી કરવામાં આવી છે. ચાલુ મહિને ગરમીનું જોર વધશે. આગામી ત્રણ ચાર દિવસમાં ગરમીમાં વધારો નોંધાશે.તાપમાન સામાન્ય સ્તરથી ઉપર રહેશે.સમગ્ર ગુજરાતમાં તાપમાન સામાન્ય કરતા વધુ રહેશે.ખાસ કરીને સૌરાષ્ટ્ર-કચ્છ ક્ષેત્રમાં વધુ અસર જોવા મળશે.
રાજ્યમાં પશ્ચિમ દિશા તરફના પવનો ફૂંકાયા
બીજી બાજુ રાજ્યના હવામાન વિભાગના ડાયરેક્ટર એ.કે દાસે જણાવ્યું હતું કે, રાજ્યમાં પશ્ચિમ દિશા તરફના પવનો ફૂંકાયા છે.આગામી 48 કલાક તાપમાન યથાવત રહેશે. 48 કલાક બાદ પવનની દિશા બદલાતા 2 થી 3 ડીગ્રી તાપમાન ઘટશે.આજે અમદાવાદમાં મહત્તમ તાપમાન 42 ડીગ્રી નોંધાયું છે.મેં મહિનામાં તાપમાનને લઈ હવામાન વિભાગનું પૂર્વાનુમાન પણ સામે આવ્યું છે. મે મહિનામાં મહત્તમ તાપમાન સામાન્ય કરતા ઊંચું રહેશે.મોટા ભાગના વિસ્તારમાં લઘુતમ તાપમાન સામાન્ય કરતા ઊંચું રહેશે. જ્યારે ઉત્તર ગુજરાતમાં લઘુતમ તાપમાન સામાન્ય કરતા નીચું રહેવાની શક્યતા છે.
