Dang: સાપુતારામાં વિન્ટર ફેસ્ટિવલ-2025નો પ્રારંભ, પ્રકૃતિની સુંદરતા, એડવેન્ચર અને સાંસ્કૃતિક કાર્યક્રમોનો અનોખો સંગમ

રાજ્યના એકમાત્ર ગિરિમથક સાપુતારા ડાંગ જિલ્લા વહીવટી તંત્ર નોટીફાઇડ એરીયા દ્વારા વિન્ટર ફેસ્ટિવલ-2025નું આયોજન કરવામાં આવ્યું છે. આ ફેસ્ટિવલ તારીખ 25 થી 31 ડિસેમ્બર સુધી ચાલશે જેમાં પ્રવાસીઓને રંગારંગ કાર્યક્રમ માણવા મળશે.

વિન્ટર ફેસ્ટિવલની શરૂઆત

સાપુતારા ખાતે શરૂ થયેલ વિન્ટર ફેસ્ટિવલની શરૂઆત ઇન્ડિયન આઇડલથી પ્રસિદ્ધ બનેલા રોકસ્ટાર પવનદીપ અને ચેતના ભારદ્વાજ ની સંગીત સંધ્યાથી કરવામાં આવી હતી.

રહેવાસીઓ અને પ્રવાસીઓએ ફેસ્ટિવલની મજા માણી

સાપુતારા ખાતે કડકડતી ઠંડીમાં મોટી સંખ્યામાં સ્થાનિક રહેવાસીઓ અને પ્રવાસીઓએ ફેસ્ટિવલની મજા માણી હતી. ડાંગ જિલ્લા વહીવટી તંત્ર અને નોટિફાઇડ કચેરી દ્વારા આયોજિત આ ફેસ્ટિવલની શરૂઆત ગુજરાત વિધાનસભા નાયબ દંડક ડાંગના ધારાસભ્ય વિજય પટેલના હસ્તે કરવામાં આવી હતી.

 પ્રકૃતિની સુંદરતા, એડવેન્ચર અને સાંસ્કૃતિક કાર્યક્રમોનો અનોખો સંગમ

 વિજય પટેલે જણાવ્યું હતું કે તત્કાલીન મુખ્યમંત્રી અને હાલના વડાપ્રધાન દ્વારા સાપુતારામાં પ્રવાસન ઉદ્યોગને પ્રોત્સાહન મળે અને સ્થાનિક લોકોને રોજગારી મળે તે માટે ફેસ્ટિવલની શરૂઆત કરવામાં આવી હતી. આજે શરૂ થયેલ આ વિન્ટર ફેસ્ટિવલમાં પ્રકૃતિની સુંદરતા, એડવેન્ચર અને સાંસ્કૃતિક કાર્યક્રમોનો અનોખો સંગમ જોવા મળશે. કાર્યક્રમ ના અંતે લોકોએ ભવ્ય ડ્રોન શો જોઈને લોકો આનંદિત થયા હતા.

આ પણ વાંચો----    Gujarat Flashback 2025 : આ વર્ષે વિદેશની ઘેલછામાં ગુજરાતના પરિવારો એજન્ટોની માયાજાળમાં ફસાયા હતા, ટ્રમ્પે 78 ગુજરાતીઓને પરત મોકલ્યા હતા