અમરેલી જિલ્લામાં માર્ગ અકસ્માતની ઘટનાઓ સતત વધી રહી છે, ત્યારે આજે ધારી-અમરેલી રોડ પર એક ગમખ્વાર અકસ્માત સર્જાયો હતો. અમરેલીના જસાપરા પાટીયા પાસે એક એક્ટિવા અચાનક સ્લીપ થઈ જતાં તેના પર સવાર બે મહિલાઓ અને એક માસૂમ બાળક ગંભીર રીતે ઇજાગ્રસ્ત થયા હતા.
એક્ટિવા ચાલકે કાબૂ ગુમાવતા અકસ્માત
ઘટનાની મળતી માહિતી અનુસાર, ધારી-અમરેલી હાઇવે પરથી પસાર થઈ રહેલું એક્ટિવા ચાલકે કાબૂ ગુમાવતા જસાપરાના પાટીયા પાસે પલટી મારી ગયું હતું. અકસ્માત એટલો જોરદાર હતો કે, એક્ટિવા પર સવાર ત્રણેય વ્યક્તિઓ રોડ પર ફંગોળાયા હતા. ઘટનાને પગલે આસપાસના લોકો તાત્કાલિક મદદ માટે દોડી આવ્યા હતા.
