અમરેલી જિલ્લાના બગસરા શહેરમાં સ્થિત સથવારા સમાજની વાડી ખાતે સોમવારે એક ભવ્ય હિન્દુ સંમેલનનું આયોજન કરવામાં આવ્યું હતું. જય ભવાની હિન્દુ જાગરણ સમિતિ દ્વારા આયોજિત આ કાર્યક્રમનો મુખ્ય હેતુ હિન્દુ સમાજના વિવિધ ફાંટાઓને એક તાંતણે બાંધવાનો અને જાગૃતિ લાવવાનો હતો.
ગણમાન્ય મહાનુભાવોની ઉપસ્થિતિ
આ સંમેલનમાં રાષ્ટ્રીય કાર્યવાહિકા સમિતિ, સૌરાષ્ટ્ર પ્રાંતના રસીલાબેન ખાસ ઉપસ્થિત રહ્યા હતા. તેમણે પોતાના વક્તવ્યમાં હિન્દુ સંસ્કૃતિના જતન અને સંગઠિત શક્તિના મહત્વ પર ભાર મૂક્યો હતો. તેમની સાથે બગસરાના વિવિધ જ્ઞાતિ-સમાજના અગ્રણીઓ અને સંગઠનોના હોદ્દેદારોએ પણ મંચ શોભાવ્યો હતો.
