લાંબા સમયથી વણશોધાયેલા રહેલા રેલવે વિભાગના કોપર કેબલ ચોરીના એક ગંભીર ગુનાનો ભેદ ભરૂચ લોકલ ક્રાઇમ બ્રાન્ચ દ્વારા ઉકેલી લેવામાં આવ્યો છે. LCB ની ટીમ દ્વારા ચોક્કસ બાતમીના આધારે કાર્યવાહી કરીને બે આરોપીઓને મુદ્દામાલ સાથે ઝડપી લેવામાં આવ્યા છે.
રેલવે પ્રોજેક્ટને નુકસાન
ઘટનાની મળતી માહિતી અનુસાર, ભરૂચ નજીક આવેલા ત્રાલસા વિસ્તારમાં રેલવે વિભાગની જગ્યામાંથી મહત્ત્વપૂર્ણ કોપર કેબલની ચોરી થઈ હતી. આ ચોરીના કારણે રેલવેના સિગ્નલિંગ અને સંચાર વ્યવસ્થાને ગંભીર અસર પહોંચી હતી. રેલવે પ્રોટેક્શન ફોર્સ (RPF) પોલીસ સ્ટેશનમાં આ ગુનો નોંધાયો હતો, પરંતુ તે અનડિટેક્ટ હતો.
