ભાવનગર જિલ્લાના જેસર તાલુકામાં કાયદો અને વ્યવસ્થા જાળવવાની ફરજ પર રહેલી પોલીસ ટીમ પર હુમલો કરવાની શરમજનક ઘટના સામે આવી હતી. જેસરના ચીરોડા ગામે પોલીસ પર હુમલો કરનાર મુખ્ય આરોપીને ઝડપી પાડવામાં પોલીસને સફળતા મળી છે. પોલીસે આરોપીની ધરપકડ કરી છે અને ત્યાર બાદ તેને જેલના સળિયા પાછળ ધકેલી દીધો છે.
ચીરોડા ગામે પોલીસની ટીમ પર હુમલા કર્યો હતો
જેસર તાલુકાના ચીરોડા ગામે કોઈ કારણોસર પોલીસની ટીમ તપાસ અથવા પેટ્રોલીંગમાં હતી. આ દરમિયાન કુલદીપસિંહ સરવૈયા નામના શખ્સે પોલીસ ટીમ સાથે ઘર્ષણ કરી અચાનક હુમલો કર્યો હતો. આ હુમલામાં ઇમરજન્સી સેવા 112 ના વાહન પર તૈનાત ડ્રાઈવરને ગંભીર ઈજાઓ પહોંચી હતી. સરકારી કર્મચારી પર હુમલો કરી ફરજમાં રુકાવટ ઊભી કરતા આ મામલાને પોલીસે અત્યંત ગંભીરતાથી લીધો હતો.
