દેવગઢ બારિયાના માન સરોવરમાં કાર ખાબકતાં એક વ્યક્તિનું મોત નિપજ્યું હોવાની ઘટના સામે આવી છે. ત્રણ મિત્રો કાર લઈને ફરવા માટે ગયા હતાં. કાર ચાલકે સ્ટીયરીંગ પરથી કાબુ ગુમાવતા કાર દિવાલ તોડીને સરોવરમાં ખાબકી હતી. ફાયર વિભાગની ટીમે અન્ય બે યુવકોને બચાવી લીધા હતાં. મૃતકના મૃતદેહને પોસ્ટમોર્ટમ અર્થે હોસ્પિટલ ખસેડવામાં આવ્યો છે.
કાર લઈને ત્રણ મિત્રો ફરવા માટે નીકળ્યા હતા
દેવગઢ બારિયાના માનસરોવરમાં એક કાર ખાબકી હતી. આ કાર લઈને ત્રણ મિત્રો ફરવા માટે ગયા હતાં. કાર ચાલક સ્ટીયરીંગ પરથી કાબુ ગુમાવ્યો હતો અને કાર દિવાલ તોડીને સરોવરમાં ખાબકી હતી. સાવલી ખાતે સાથે ભણતા દેવગઢ બારીઆના બે તેમજ રાજકોટનો એક એમ ત્રણ મિત્રો એક દિવસ ની રજા માણવા આવ્યા હતા. આ ત્રણેય મિત્રો માન સરોવર ખાતે બેટ પર કાર લઈને ગયા હતાં.
