Dahod : LCBની કાર્યવાહી, ગેરકાયદેસર હથિયારો સાથે એક આરોપી ઝડપાયો

દાહોદ લોકલ ક્રાઇમ બ્રાન્ચ દ્વારા ગેરકાયદેસર હથિયારોની હેરાફેરી અટકાવવા વિશેષ ઓપરેશન દરમિયાન એક આરોપી દેશી પિસ્તોલ સાથે ઝડપી લેવાયો છે.

આંતરરાજ્ય હથિયારોની હેરાફેરી પર અંકુશ

પંચમહાલ-ગોધરા રેન્જના પોલીસ મહાનિરીક્ષક આર.વી. અસારી અને પોલીસ અધિક્ષક રવિરાજસિંહ જાડેજાની સૂચનામાં LCBએ દાહોદમાં આ ઝુંબેશ ચલાવી હતી. આંતરરાજ્ય હથિયારોની હેરાફેરી પર અંકુશ લાવવા માટે તપાસ દરમ્યાન મધ્યપ્રદેશ અને રાજસ્થાનની સરહદ પાસેથી આવતા શંકાસ્પદ વાહન અને વ્યક્તિઓ પર નજર રાખવામાં આવી હતી.

આરોપીને દેશી પિસ્તોલ સાથે રંગે હાથ ઝડપી પાડવામાં આવ્યો

ગુપ્ત માહિતીના આધારે પોલીસની ટીમે જેસાવાડા પોલીસ સ્ટેશન વિસ્તારના બાવકા ગામે બાવકા-માતવા રોડ પર મંદિર પાસે તળાવની બાજુમાં વ્યૂહાત્મક ગોઠવણ કરી. આ દરમ્યાન, બગુ મડુ પલાસ (ઉં.વ. 41, માતવા ગાળીયા ફળીયું, તા. ગરબાડા, દાહોદ) નામના આરોપીને દેશી પિસ્તોલ સાથે રંગે હાથ ઝડપી પાડવામાં આવ્યો. જેની બજાર કિંમત આશરે ₹20,000 હતી. LCBએ આ મામલે જેસાવાડા પોલીસ સ્ટેશનમાં હથિયાર અધિનિયમ હેઠળ ગુનો નોંધી વધુ તપાસ હાથ ધરી છે.

આ પણ વાંચો--- GSSSB Recruitment 2025: ગ્રેજ્યુએટ ઉમેદવારો માટે સારા સમાચાર, ગુજરાત ગૌણ સેવા પસંદગી મંડળ દ્વારા ભરતીની જાહેરાત