દાહોદ જિલ્લામાં ગુજરાત ગેસની લાઇનમાં લીકેજ થયું હોવાની ઘટનાને કારણે અફરાતફરીનો માહોલ સર્જાયો હતો. દાહોદથી ખરેડી જતી ગુજરાત ગેસની લાઇનમાં લીકેજ થયું હતું. જે કારણે આસપાસના વિસ્તારના લોકોમાં ભય ફેલાયો હતો.


પાઈપ લાઈન દાહોદથી ખરેડી તરફ ફેલાયેલી છે

દાહોદ નજીક દેલસર ગામે રસ્તા નજીક ગુજરાત ગેસની લાઇનમાં લીકેજ થયું હતું. આ પાઈપ લાઈન દાહોદથી ખરેડી તરફ ફેલાયેલી છે. જેમાં લીકેજ થવાની ઘટના બની હતી. Mgvcl દ્વારા અંડર લાઈનની કામગીરી હાઇડ્રોથી કરવામાં આવી રહી હતી. તે સમયે આ લીકેજની ઘટના બની હતી.

Also Read

ગુજરાત ગેસના કર્મચારીઓ ઘટના સ્થળે

લીકેજ થવાના કારણે થોડા સમય માટે વાહન વ્યવહાર બંધ કરી દેવામાં આવ્યો હતો. જે બાદ ગુજરાત ગેસના કર્મચારીઓ ઘટના સ્થળે દોડી આવ્યા હતા. તેમણે તાત્કાલિક ગેસનો સપ્લાય બંધ કર્યો હતો. ગેસનો સપ્લાય બંધ કરાતા લોકોએ રાહતનો શ્વાસ લીધો હતો. હાલ ગુજરાત ગેસના કર્મચારી દ્વારા ગેસ રીપેરિંગ કરવાની કામગીરી કરવામાં આવી રહી છે.

આ પણ વાંચો - Gujarat Police Recruitment 2025: પોલીસ ભરતીની રાહ જોતા ઉમેદવારો માટે મોટા સમાચાર, ગુજરાત પોલીસમાં 14,000 જગ્યા માટે કરાશે ભરતી

  • Follow us on: