અમરેલી જિલ્લાના ધારી શહેરમાંથી એક હૃદયદ્રાવક ઘટના સામે આવી છે. ધોરણ 12ની બોર્ડની પરીક્ષા આપી રહેલી એક વિદ્યાર્થિનીએ પરીક્ષામાં નાપાસ થવાના ડરથી ઝેરી દવા પીને જીવન ટૂંકાવ્યું છે. બે પેપર નબળા જતાં વિદ્યાર્થિની માનસિક તણાવમાં હતી, જે અંતે આત્મહત્યામાં પરિણમી છે.
શું છે સમગ્ર ઘટના?
અમરેલી જિલ્લાના ધારીની પુરબિયા શેરીમાં રહેતી 16 વર્ષીય છાયાબેન ભવાનભાઈ ઠુંમર ધોરણ 12માં અભ્યાસ કરતી હતી. હાલમાં ચાલી રહેલી બોર્ડની પરીક્ષાઓ દરમિયાન તેના બે પેપર ધાર્યા મુજબ ગયા ન હતા. આ કારણે તે સતત ગભરાયેલી રહેતી હતી કે તે પરીક્ષામાં નાપાસ થશે. આ નિષ્ફળતાના ડરથી ગભરાઈને છાયાએ ઝેરી ટીકડા ખાઈ લીધા હતા.
