દેવભૂમિ દ્વારકા જિલ્લામાં કૃષ્ણ નગરી દ્વારકા યાત્રાધામમાં જગત મંદિર આસપાસ આજે વહેલી સવારે 6:30 થી 8:00 સુધી અજાણ્યા શખ્સોએ બે અલગ-અલગ ડ્રોન કેમેરાથી પરમિશન વિના શૂટિંગ કરતા ચકચાર મચી ગઇ છે. આ ઘટના મંદિરની સુરક્ષા માટે ચિંતાજનક બની છે.


100 મીટરના એરિયામાં ડ્રોન ઉડાડવાની સખત મનાઈ છે

જગત મંદિરની આસપાસ 100 મીટરના એરિયામાં ડ્રોન ઉડાડવાની સખત મનાઈ છે અને મંદિરના વિવિધ વિસ્તારોમાં જાહેરમાં સૂચન બોર્ડ પણ મુકવામાં આવ્યા છે.

અજાણ્યા શખ્સો ડ્રોનનો ઉપયોગ બિન્ધાસ્ત બનીને કરી રહ્યા છે

જો કે તેમ છતાં, અજાણ્યા શખ્સો ડ્રોનનો ઉપયોગ બિન્ધાસ્ત બનીને કરી રહ્યા છે અને સતત આ પ્રકારના બનાવો બહાર આવી રહ્યા છે જેથી પોલીસ તંત્રની કામગીરી અને અમલવારી પર પ્રશ્નો ઉભા થઈ રહ્યા છે.

Also Read

શાક માર્કેટ વિસ્તારમાં પણ પરમિશન વિના ડ્રોનથી શૂટિંગ કરાયું હતું

મહત્વનું છે કે ગઈકાલે સાંજે પણ દ્વારકાના શાક માર્કેટ વિસ્તારમાં અજાણ્યા શખ્સોએ પરમિશન વિના ડ્રોન કેમેરા દ્વારા શૂટિંગ કર્યું હતું. પોલીસ હાલ તપાસ માટે આગળ વધી રહી છે, પરંતુ શૂટિંગ કરનાર શખ્સો હજુ પકડી શકાયા નથી.

 જાહેરમાં સૂચનાના બોર્ડ માર્યા છે પણ અમલવારી ક્યારે

પોલીસ તંત્ર દ્વારા ડ્રોન કેમેરો ઉડાડવાની સખત મનાઈ છે અને આ મામલે મંદિરના અલગ અલગ વિસ્તારોમાં જાહેરમાં સૂચનાના બોર્ડ માર્યા છે પણ અમલવારી ક્યારે થશે તેવો સવાલ નાગરિકો કરી રહ્યા છે.


આ પણ વાંચો-----   Surat : મહિલા પેસેન્જરની દાદાગીરી, BRTS બસના ડ્રાઇવર પર હુમલો, ડ્રાઇવરે બસ ઉભી રાખવાની ના પાડતા મામલો બિચક્યો

  • Follow us on: