ગુજરાતમાં જમીન માફિયાઓ બેફામ બન્યાં છે. આ કિસ્સામાં એક પુત્રએ જમીનની લાલચમાં બોગસ દસ્તાવેજ કરી લીધો હતો. આ બાબતની જાણ થતા જ પિતાએ આરોપી પુત્ર સહિત ચાર લોકો સામે પોલીસ ફરિયાદ નોંધાવી હતી. પોલીસે ફરિયાદના આધારે ચારેય આરોપીઓને ઝડપી લીધા હતાં.
પિતાનું ખોટુ નામ ધારણ કરી જમીનના દસ્તાવેજ બનાવ્યા
પ્રાપ્ત વિગતો પ્રમાણે દ્વારકા પાસેના બરડિયા ગામમાં પિતાનું ખોટુ નામ ધારણ કરીને પુત્રએ જમીનના બોગસ દસ્તાવેજ કરી લીધા હતાં. દ્વારકામાં રહેતા ભરતભાઈ બરાઈની બરડિયા ગામમાં જમીન આવેલી છે. આ જમીન મેળવવા જયેન્દ્ર શેઠ નામનો વ્યક્તિ રણછોડભાઈ બની ગયો હતો. તેણે રણછોડભાઈ નામ ધારણ કરીને જમીનના ખોટા દસ્તાવેજ કરી લીધા હતાં. જેની જાણ ફરિયાદીને થતા જ તેમણે પોતાના પુત્ર સહિત ચાર લોકો સામે ફરિયાદ નોંધાવી હતી.
