ગાંધીનગરની સેશન્સ કોર્ટે આર્મ્સ એક્ટના ગુનામાં પકડાયા બાદ 16 કિલોથી વધુ ગાંજા સાથે ઝડપાયેલા આરોપી રાજેશકુમાર જંગલીમહતો મલ્લાને તક્સીરવાન ઠરાવતા 10 વર્ષની સખત કેદ અને 1 લાખના દંડની સજા ફટકારી છે.


2018માં આર્મ્સ એક્ટના કેસ સાથે ખુલ્યો ગાંજાનો ખેલ

વર્ષ 2018 દરમિયાન સાબરમતી પોલીસે રાજેશ મલ્લાને આર્મ્સ એક્ટના ગુનામાં પકડી પાડ્યો હતો. તપાસ દરમિયાન તેની ખોરાજ ગામની ઓરડીમાંથી વધુ હથિયારો મળી શકે તેવી શંકા હોવાથી ગાંધીનગર સ્પેશ્યલ ઓપરેશન ગ્રુપને જાણ કરવામાં આવી હતી.

ત્રણ બેગમાંથી કુલ 16 કિલોથી વધુ ગાંજાનો મોટો જથ્થો મળી આવ્યો

SOGની ટીમે ઓરડીની સર્ચ ઓપરેશન દરમિયાન હથિયારો ન મળ્યા, પરંતુ ત્રણ બેગમાંથી કુલ 16 કિલોથી વધુ ગાંજાનો મોટો જથ્થો મળી આવ્યો હતો. ઘટના બાદ અડાલજ પોલીસ સ્ટેશનમાં NDPS એક્ટ હેઠળ ગુનો નોંધાયો હતો.

Also Read


આ પણ વાંચો--- Ahmedabadના રામદેવનગરમાં SK ફ્રાય સેન્ટર સીલ, અનહાઈજેનિક ફૂડ અને ગંદકી સામે AMCની કાર્યવાહી

  • Follow us on: