ગુજરાત વિધાનસભાના બજેટ સત્રનો આવતીકાલથી એટલે કે 16 ફેબ્રુઆરીથી વિધિવત પ્રારંભ થવા જઈ રહ્યો છે. 16 ફેબ્રુઆરીના રોજ બપોરે 12:00 વાગ્યે રાજ્યપાલ આચાર્ય દેવવ્રતના સંબોધન સાથે સત્રની શરૂઆત થશે. આ સત્ર આગામી દિવસોમાં રાજ્યના વિકાસ અને આર્થિક આયોજન માટે અત્યંત મહત્વનું સાબિત થશે. ઉલ્લેખનીય છે કે, ગુજરાતનું બજેટ 18 ફેબ્રુઆરીના રોજ રજૂ થશે. રાજ્યના નાણા મંત્રી કનુભાઈ દેસાઈ આ વર્ષનું બજેટ ગુજરાત વિધાનસભામાં રજૂ કરશે.
સત્રના પ્રથમ દિવસની કાર્યવાહી
રાજ્યપાલના સંબોધન બાદ ગૃહમાં ટૂંકો વિરામ રહેશે, જે બાદ પુનઃ બેઠક શરૂ થશે. સત્રના પ્રથમ દિવસે મુખ્યત્વે શોકદર્શક ઉલ્લેખ અને વિવિધ અહેવાલો રજૂ કરવાની પ્રક્રિયા હાથ ધરાશે.
