રાજકોટ જિલ્લાના ગોંડલ તાલુકાના દેરડી (કુંભાજી) ગામે માર્ગ અને મકાન વિભાગ દ્વારા ગેરકાયદેસર દબાણો સામે મેગા ડિમોલિશન કાર્યવાહી હાથ ધરવામાં આવી હતી. વહેલી સવારથી શરૂ કરાયેલ આ કામગીરી દરમિયાન સુલતાનપુર માર્ગ પર ઉભા કરાયેલા રસના ચિચોડા તેમજ અન્ય કાચા અને પાકા દબાણો તંત્ર દ્વારા દૂર કરવામાં આવ્યા હતા.
ગેરકાયદેસર દબાણકર્તાઓને નોટિસ
માહિતી મુજબ માર્ગ અને મકાન વિભાગ (R&B) દ્વારા અગાઉથી ગેરકાયદેસર દબાણકર્તાઓને નોટિસ ફટકારવામાં આવી હતી. કુલ 100થી વધુ લોકોને નોટિસ આપવામાં આવી હતી અને દબાણો હટાવવા સૂચના આપવામાં આવી હતી. નોટિસ મળ્યા બાદ કેટલાક લોકોએ સ્વૈચ્છિક રીતે પોતાનાં દબાણો દૂર કરી લીધા હતા.
