ગુજરાત રાજ્યના પોલીસ મહાનિર્દેશક વિકાસ સહાય તેમના સેવા વિસ્તરણના અંતિમ દિવસે એટલે કે આવતીકાલે સત્તાવાર રીતે નિવૃત્ત થશે. તેમના માનમાં ગાંધીનગર ખાતે એક ભવ્ય વિદાય સમારંભનું આયોજન કરવામાં આવ્યું છે. આ પ્રસંગે DGP ઓફિસના તમામ પોલીસ સ્ટાફ અને કર્મચારીઓને ફરજિયાતપણે યુનિફોર્મમાં હાજર રહેવા માટે ખાસ સૂચના આપવામાં આવી છે.
એક્સટેન્શનનો અંતિમ દિવસ
વિકાસ સહાયને અગાઉ સરકાર દ્વારા સેવા વિસ્તરણ આપવામાં આવ્યું હતું, જેનો આવતીકાલે અંતિમ દિવસ છે. તેમના કાર્યકાળ દરમિયાન ગુજરાત પોલીસે ટેકનોલોજી અને ભરતી પ્રક્રિયામાં અનેક મહત્વના સુધારાઓ કર્યા છે. તેમની વિદાયની પૂર્વસંધ્યાએ પોલીસ ભવનમાં ગરમાવો જોવા મળી રહ્યો છે.
