સાબરકાંઠાના હિંમતનગરથી શરૂ થયેલું હુડાનું આંદોલન હવે શહીદ ભગતસિંહ તેમજ ચંદ્રશેખરના માર્ગે આગળ વધી રહ્યું હોય તેવો ઘાટ સર્જાયો છે. આજે યોજાયેલી હૂડા સમિતિની બેઠકમાં આગામી 12 ડિસેમ્બરથી 10,000 જેટલા આત્મ રક્ષણ માટે શસ્ત્ર મેળવવા લેખિત રજૂઆત કરાશે. તેમજ આવનારા સમયમાં હૂડાને દૂર કરવા માટે છાતી પર ગોળીઓ ખાવાનો દ્રઢ નિર્ધાર કરાયો છે.
લોકો મરણિયા બનવાની દિશામાં આગળ વધી રહ્યા છે
સાબરકાંઠાના હિંમતનગરમાં છેલ્લા ત્રણ માસથી હુડા રદ કરવા મામલે ભારે જન આક્રોશ પેદા થઈ રહ્યો છે. જો કે તાજેતરમાં થયેલી 11 ગામડાઓની પદયાત્રા બાદ ગાંધી ચિંધ્યો માર્ગ છોડી હવે આવનારા સમયમાં શહીદ ભગતસિંહ તેમજ ચંદ્રશેખર આઝાદના માર્ગે આગળ વધવા આજે યોજાયેલી બેઠકમાં નિર્ણય કરાયો છે. આજે હૂડા સમિતિની હિંમતનગર ખાતે બેઠક કરવામાં હતી. જેમાં આવનારા સમયના કાર્યક્રમની રણનીતિ તૈયાર કરાઈ હતી. જે અંતર્ગત હવે સરકાર જો હુડા રદ કરવા મામલે ગંભીરતાથી ન વિચારે તો 11 ગામના લોકો મરણિયા બનવાની દિશામાં આગળ વધી રહ્યા છે.
