જુનાગઢ–રાજકોટ હાઇવે પર વડાલ નજીક નશાની હાલતમાં કાર ચલાવતા એક ચાલકે ગંભીર અકસ્માત સર્જ્યો હતો. નશામાં ધૂત કારચાલકે રસ્તા પરથી પસાર થતા ટ્રેક્ટરને અડફેટે લીધું હતું, જેના પગલે ઘટના સ્થળે અફરાતફરી મચી ગઈ હતી.


અકસ્માત બાદ કારમાં અચાનક આગ લાગી

અકસ્માત બાદ કારમાં અચાનક આગ લાગી હતી. અકસ્માતમાં બે લોકો ઈજાગ્રસ્ત બન્યા હતા. સ્થાનિક લોકોએ તાત્કાલિક બચાવ કામગીરી હાથ ધરી ઈજાગ્રસ્તોને બહાર કાઢી સારવાર માટે નજીકની હોસ્પિટલ ખસેડ્યા હતા.

પોલીસનો કાફલો સ્થળ પર પહોંચી ગયો

ઘટનાની જાણ થતાં જ પોલીસનો કાફલો સ્થળ પર પહોંચી ગયો હતો અને આગ પર કાબૂ મેળવવામાં આવ્યો હતો. પોલીસ તપાસમાં કારચાલક નશાની હાલતમાં હોવાનું પ્રાથમિક તપાસમાં બહાર આવ્યું હતું.

સમગ્ર ઘટનાની તપાસ શરુ

પોલીસ દ્વારા સમગ્ર ઘટનાની તપાસ હાથ ધરવામાં આવી છે તેમજ નશામાં વાહન ચલાવવાના મામલે કાયદેસરની કાર્યવાહી કરવામાં આવશે તેવું અધિકારીઓએ જણાવ્યું હતું.


આ પણ વાંચો-----   Surat ના ડિંડોલી વિસ્તારમાં વધુ એક હત્યા, 25 વર્ષના યુવકને રહેંસી નંખાયો

  • Follow us on: