માંગરોળ પાસે પોરબંદર હાઈવે ઉપર આવેલ જીઆઇડીસીના એક ખાનગી ગોડાઉનમાં જૂનાગઢ એલસીબીએ રેડ કરીને ૩૦ લાખના દારુના જથ્થા સાથે ચાર શખ્સોને ઝડપી લીધા છે. જયારે કુલ ૫૦ લાખનો મુદ્દામાપ જપ્ત કરીને કુલ આંઠ ઈસમો સામે ગુનો નોધાવ્યો છે.
૫૦ લાખનો દારુ ભરેલો એક ટ્રક ઝડપાયો
જૂનાગઢ એલસીબીએ ગઈકાલે માંગરોળ મરીન પોલીસ સ્ટેશન વિસ્તારમાંથી ૫૦ લાખનો દારુ ભરેલો એક ટ્રક સાથે ટ્રક ચાલકની ધરપકડ કરી હતી, તેના બીજા દિવસે આજે એલસીબીએ શીલ પોલીસ સ્ટેશન વિસ્તારમાં પોરબંદર હાઇવે ઉપર જીઆઇડીસી વિસ્તારમાં આવેલ ગણેશ એન્ટરપ્રાઈઝ નામના ખાનગી ગોડાઉનમાં રેડ કરીને અહી દારુના કટિંગ સમયે ખાબકી હતી, અને સ્થળ પરથી રૂ.૨૯,૬૧,૮૪૦ ની કીમતનો વિદેશી દારુ અને બીયરની ૧૩,૮૦૦ બોટલનો જથ્થો પકડી પાડ્યો હતો.
