ખેડા જિલ્લાના કપડવંજ નગરપાલિકામાં લાંબા સમયથી સફાઈ કામદારોના પડતર પ્રશ્નો વણઉકેલાયેલા રહેતા કર્મચારીઓમાં ભારે રોષ જોવા મળી રહ્યો છે. આજે મોટી સંખ્યામાં સફાઈ કામદારોએ એકત્ર થઈ કપડવંજ નગરપાલિકા કચેરી ખાતે પોતાની પડતર માંગણીઓ મુદ્દે ઉગ્ર રજૂઆત કરી હતી અને ચીફ ઓફિસરને આવેદનપત્ર પાઠવ્યું હતું.
જીતુ બારૈયાની અધ્યક્ષતામાં રજૂઆત
સમસ્ત વાલ્મિકી સમાજ ગુજરાતના પ્રદેશ પ્રમુખ જીતુ બારૈયાની અધ્યક્ષતામાં આજે સફાઈ કામદારો પાલિકા કચેરીએ ઉમટી પડ્યા હતા. કામદારોએ આક્ષેપ કર્યો હતો કે, કપડવંજ પાલિકા તંત્ર દ્વારા તેમના વ્યાજબી પ્રશ્નો પર લાંબા સમયથી ધ્યાન આપવામાં આવતું નથી. આ કાર્યક્રમમાં સફાઈ કામદારોએ સૂત્રોચ્ચાર કરી પોતાનો વિરોધ પ્રદર્શિત કર્યો હતો.
