Kheda News: હાલ રાજ્યમાં ઘણા શહેરમાંથી શિક્ષક દ્વારા વિદ્યાર્થીઓને માર મારવાની ઘટનાઓ સામે આવી રહી છે. આ વચ્ચે ખેડા જિલ્લામાં આવેલા મહુધામાં પણ એક શિક્ષકે વિદ્યાર્થીને માર મારવાની ઘટના સામે આવી છે. જે કારણે વાલીઓમાં રોષ જોવા મળી રહ્યો છે. ઘટનાની મળતી માહિતી અનુસાર, વડથલ પ્રાથમિક શાળામાં એક વિદ્યાર્થી વર્ગખંડમાં મિત્રો સાથે મસ્તી કરી રહ્યો હતો. જે કારણે શિક્ષક ઉશ્કેરાઈ જઈને આ વિદ્યાર્થીને માર માર્યો હતો.
વાલીઓમાં રોષ ફેલાયો
વડથલ પ્રાથમિક શાળાના શિક્ષકે આ વિદ્યાર્થીને એક બાદ એક લાફા ઝીંકીને વિદ્યાર્થીના ગાલ લાલ થાય ત્યાં સુધી માર માર્યો હતો. આ વિદ્યાર્થી ધોરણ 4માં અભ્યાસ કરે છે. શિક્ષક દ્વારા વિદ્યાર્થીને માર મારવાની ઘટનાથી વાલાીઓમાં રોષ ફેલાયો છે. હાલ વાલીઓ આ શિક્ષકને ફરજમાંથી મુક્ત કરી કડક કાર્યવાહી કરવાની માંગ કરી રહ્યા છે.
