Kheda : નડિઆદમા DD યુનિવર્સિટીમાં અભ્યાસ કરતા વિદ્યાર્થીએ કરી આત્મહત્યા

નડિયાદની ડીડી યુનિવર્સિટીના એક 20 વર્ષીય વિદ્યાર્થી દર્શન લાડના દુઃખદ અવસાનની ઘટના સામે આવી છે. તે વલસાડનો રહેવાસી હતો અને યુનિવર્સિટીમાં 5મા સેમેસ્ટરમાં અભ્યાસ કરતો હતો

વિદ્યાર્થીઓ અને યુનિવર્સિટી કેમ્પસમાં શોકનો માહોલ

આ ઘટનાને લઈ વિદ્યાર્થીઓ અને યુનિવર્સિટી કેમ્પસમાં શોકનો માહોલ છે. તેણે આત્મહત્યા કરતા પહેલા 6 સેકન્ડનો વીડિયો પણ બનાવ્યો હતો.

 રેલવે ટ્રેક પર પડતું મુકી આત્મહત્યા કરી

દર્શને કેનાલ નજીક પસાર થતા રેલવે ટ્રેક પર પડતું મુકી આત્મહત્યા કરી હતી. માતા પિતાના એકના એક સંતાને આત્મહત્યા કરતા અરેરાટી વ્યાપી ગઇ છે જેના આધારે પોલીસે તપાસ શરૂ કરી છે.

દર્શન આરવ હોસ્ટેલમાં રહેતો હતો

દર્શન આરવ હોસ્ટેલમાં રહેતો હતો અને તેની રુમમાં જ તેણે પોતાનો મોબાઇલ મુકીને રાત્રે 9 વાગ્યાની આસપાસ રુમમાંથી નીકળી ગયો હતો અને તેણે સૌરાષ્ટ્ર એક્સપ્રેસ સામે પડતું મુક્યું હતું.

પોલીસે શરુ કરી તપાસ

પોલીસ અને યુનિવર્સિટી તંત્ર દ્વારા પરિવારજનોને જાણ કરી તપાસ શરુ કરી છે નડિયાદમાં છેલ્લા થોડા દિવસોમાં આવી બે ઘટનાઓ થવાને કારણે માનસિક સ્વાસ્થ્ય મુદ્દે ચિંતા વ્યક્ત થઈ રહી છે.

આ પણ વાંચો--   Gandhinagar : પોલીસનું માન ન જાળવે અથવા બંધારણનો ભંગ કરે તો તેમની સામે પગલા ભરો.. DYCMની પોલીસને સૂચના