સુપ્રસિદ્ધ યાત્રાધામ સોમનાથ મહાદેવના દર્શનાર્થે આવતા પ્રવાસીઓ સાથે છેતરપિંડી કરતી એક આંતરરાજ્ય ગેંગનો સાયબર સેન્ટર ઓફ એક્સેલન્સે પર્દાફાશ કર્યો છે. રાજસ્થાનના જયપુર અને ભરતપુર વિસ્તારમાંથી પોલીસે કુલ 6 આરોપીઓની ધરપકડ કરી છે. આ ગેંગ અત્યંત આધુનિક પદ્ધતિથી પ્રવાસીઓને શિકાર બનાવતી હતી નકલી વેબસાઈટ, આરોપીઓએ સોમનાથ ટ્રસ્ટના અધિકૃત ગેસ્ટ હાઉસ જેવા કે સાગર દર્શન, લીલાવતી અને મહેશ્વરી અતિથિગૃહના નામે ફેક વેબસાઈટ બનાવી હતી.
સાયબર સેન્ટર ઓફ એક્સેલન્સે 6ની ધરપકડ કરી
તેઓ 'Agoda' જેવા જાણીતા પ્લેટફોર્મ પર આ નકલી વિગતો સાથે ગેરકાયદે રજીસ્ટ્રેશન કરાવી બુકિંગ મેળવતા હતા. પ્રવાસીઓનો વિશ્વાસ જીતવા માટે તેઓ AI (Artificial Intelligence) દ્વારા તૈયાર કરેલી નકલી બુકિંગ રસીદ આપતા હતા, જેથી શ્રદ્ધાળુઓને છેતરપિંડીનો ખ્યાલ ન આવે.
