Panchmahal : ગોધરાના એસટી ડેપો મેનેજરની દાદાગીરી, મહિલા કંડક્ટર સાથે નોકરી મુદ્દે કરી ગેરવર્તણૂંક

પંચમહાલ જિલ્લામાં એસટી ડેપો મેનેજરની ગેરવર્તણૂક અંગે ચોંકાવનારી ઘટના સામે આવી છે. ગોધરાના એસટી ડેપોમાંની એક મહિલા કંડક્ટર સાથે નોકરી સંબંધિત મુદ્દે ડેપો મેનેજર દ્વારા દાદાગીરી કરવામાં આવી હોવાનો વીડિયો હાલમાં સોશિયલ મીડિયા પર વાયરલ થયો છે.

મહિલા કંડક્ટર ઓવરટાઇમમાં નોકરી કરવા માટે મજબૂર

વિડિઓમાં એક મહિલા કંડક્ટર ઓવરટાઇમમાં નોકરી કરવા માટે મજબૂર થતી દેખાઈ રહી છે, જ્યારે ડેપો મેનેજર તેના પર દાદાગીરી કરતા દેખાય છે. મહિલાએ મેનેજરને ઓવરટાઇમમાંથી મુક્ત કરવાની વિનંતી કરી, પરંતુ અધિકારીએ ખૂબજ ખરાબ ભાષામાં જવાબ આપતા દાદાગીરી કરવાની ઘટના સામે આવી છે.

એસટી વિભાગના કર્મચારીઓએ વીડિયો વાયરલ કર્યો

આ વીડિયોને એસટી વિભાગના કર્મચારીઓએ તે પોતાના સોશિયલ મીડિયા પ્લેટફોર્મ પર શેર કરી હતી, જેના કારણે આ મુદ્દો જાહેરમાં ચર્ચામાં આવ્યો છે. વિડીયોમાં મેનેજરની અયોગ્ય વ્યવહારકુશળતાને લઇ અનેક કર્મચારીઓ ચિંતિત દેખાયા છે.

આ પણ વાંચો----     Gandhinagar : ગેસની સ્થિતિ પર જીતુ વાઘાણીનું નિવેદન, સરકાર પાસે હાલ પૂરતા પ્રમાણમાં જથ્થો છે