Panchmahal : ગોધરામાં વ્યાજખોરનો આતંક, 1.26 લાખ સામે 5 લાખ ચુકવ્યા હોવા છતાં માનસિક ત્રાસ આપતા યુવકે ફિનાઇલ પીધું

પંચમહાલના ગોધરામાં વ્યાજખોરનો આતંક સામે આવતા ખળભળાટ મચી ગયો છે. ભુરાવાવના યુવકે વ્યાજખોરના માનસિક ત્રાસથી કંટાળીને ફિનાઇલ પી લેતાં તેને તત્કાળ સારવાર માટે હોસ્પિટલમાં દાખલ કરાયો છે.

યુવકે વ્યાજખોરના સતત માનસિક ત્રાસથી કંટાળી ફિનાઇલ પીધું

પંચમહાલ જિલ્લાના ગોધરામાં શહેરના ભુરાવાવ વિસ્તારમાં રહેતા યુવકે વ્યાજખોરના સતત માનસિક ત્રાસથી કંટાળી ફિનાઇલ પીધું હોવાની ઘટના બની છે.

 5 લાખથી વધુ વ્યાજ ચૂકવ્યા હોવા છતાં ત્રાસ યથાવત

યુવકે માતાની સારવાર માટે લીધેલા 1.26 લાખ સામે અત્યાર સુધીમાં 5 લાખથી વધુ વ્યાજ ચૂકવ્યા હોવા છતાં ત્રાસ યથાવત રહેતા યુવક કંટાળી ગયો હતો

વારંવાર જાનથી મારી નાખવાની ધમકીઓ

વ્યાજખોરની ધમકીઓથી કંટાળી યુવકે સોશિયલ મીડિયામાં વીડિયો વાયરલ કરી પોલીસ પાસે મદદ માગી હતી. વ્યાજખોર માથાભારે હોવાના કારણે વારંવાર જાનથી મારી નાખવાની ધમકીઓ આપતા હોવાનો પણ આક્ષેપ કરાયો છે.

યુવકને હોસ્પિટલ ખસેડાયો

ત્રાસથી કંટાળીને ફિનાઇલ પીધા બાદ યુવકની હાલત લથડતાં તેને તાત્કાલિક ગોધરા સિવિલ હોસ્પિટલમાં દાખલ કરાયો છે. સમગ્ર વ્યાજખોરીના પ્રકરણને લઈ પોલીસે તપાસ શરૂ કરી છે.

આ પણ વાંચો----     Ahmedabad: ધર્મના નામે ધતિંગ, મહિલા સાથે રંગેરેલીયા મનાવતા પકડાયાનો આક્ષેપ થયા બાદ સ્વામી રામકૃષ્ણદાસને સ્વામિનારાયણ સંપ્રદાયમાંથી હાંકી કાઢાયા