સાબરકાંઠા જિલ્લામાં પ્રાંતિજના સાદોલિયા બ્રિજ પર ઓવરલોડ ટ્રકો બેફામ બની રહ્યા હોય તેવું જણાઈ રહ્યું છે. ટ્રક-ડમ્પર ચાલકોએ સાદોલિયા બ્રિજની સાઇડમાંથી અવરજવર શરૂ કરી દીધી છે. જે કારણે અકસ્માતનું જોખમ તોળાઈ રહ્યું છે. આવા ટ્રક-ડમ્પર ચાલકો સામે કડક કાર્યવાહી કરવામાં આવે અને બ્રિજની સાઈડ બંધ કરવામાં આવે તેવી માગ સ્થાનિકો દ્વારા કરવામાં આવી રહી છે.
ભારે વાહનોની અવરજવર પુનઃશરૂ થતા મોટા અકસ્માતનું જોખમ
સાદોલિયા બ્રિજના બીજા છેડે હાઇટ બેરિયર ટ્રક ચાલકોએ તોડી નાંખી છે. ઉલ્લેખનીય છે કે, ગંભીરા બ્રિજ દુર્ઘટના બાદ સાદોલિયા બ્રિજ પણ ભારે વાહનોના પ્રવેશ પર પ્રતિબંધિત રાખવામાં આવ્યો છે. ભારે વાહનોની અવરજવર પુનઃશરૂ થતા મોટા અકસ્માતનું જોખમ તોળાઈ રહ્યું છે. બંને છેડે પોલીસ પોઈન્ટ પણ ગાયબ હોય એવી સ્થિતિ સર્જાઈ છે.
