રંગીલા રાજકોટમાં કાયદો અને વ્યવસ્થાની સ્થિતિ સામે સવાલો ઊભા કરતી વધુ એક ઘટના સામે આવી છે. શહેરના વ્યસ્ત ગણાતા જે.કે. ચોક વિસ્તારમાં એક પુરુષ પર મહિલાઓ દ્વારા હુમલો કરવામાં આવતા અફરાતફરી મચી ગઈ હતી. આ હિંસક મારામારીના દ્રશ્યો કોઈએ મોબાઈલમાં કેદ કરી લેતા હવે તેનો વીડિયો સોશિયલ મીડિયામાં વાયરલ થઈ રહ્યો છે.
એક વ્યક્તિ પર મહિલાઓએ કર્યો હુમલો
જે.કે. ચોક પાસે કોઈ અગમ્ય કારણોસર પુરુષ અને મહિલાઓ વચ્ચે ઉગ્ર બોલાચાલી થઈ હતી. જોતજોતામાં મામલો એટલો બિચક્યો હતો કે મહિલાઓના જૂથે પુરુષને ઘેરી લીધો હતો અને તેની પર હુમલો કરવાનું શરૂ કર્યું હતું. વાયરલ વીડિયોમાં જોઈ શકાય છે કે મહિલાઓ પુરુષ સાથે ઝપાઝપી કરી રહી છે અને રસ્તા પર જ હંગામો મચાવ્યો છે. આ ઘટનાનો વીડિયો સોશિયલ મીડિયામાં વાયરલ થતા જ રાજકોટ પોલીસ હરકતમાં આવી છે.
