તાજેતરમાં મુખ્યમંત્રી દ્વારા ડામર રોડની ગુણવત્તા મુદ્દે કરેલી ટકોર બાદ રાજકોટ મહાનગરપાલિકાના અધિકારીઓ એક્શનમાં આવ્યા છે. આ દરમિયાન મ્યુનિસિપલ કમિશનરે સરપ્રાઈઝ ચેકિંગ કરતા ડામર રોડના કામમાં ગંભીર ખામીઓ સામે આવી છે.
ડામરની જાડાઈ અને મટીરીયલ નબળું હોવાનું ખુલ્યું
વોર્ડ નંબર 11ના ભીમનગર વિસ્તારમાં ચાલી રહેલા ડામર રોડના કામની ચકાસણી દરમિયાન ડામરની જાડાઈ અને મટીરીયલ નબળું હોવાનું ખુલ્યું છે. તપાસમાં જાણવા મળ્યું કે ડામર કામમાં લોલમલોલ કરવામાં આવી રહી હતી, જેના કારણે રોડની ગુણવત્તા પર ગંભીર પ્રશ્નો ઊભા થયા છે.
