Rajkot કોર્પોરેશનનો પ્રજાલક્ષી નિર્ણય, વેરો ભરવા માટે શનિ અને રવિવારે કચેરીઓ ખુલ્લી રહેશે

રાજકોટમાં કરદાતાઓને રાહત આપવા માટે રાજકોટ કોર્પોરેશન દ્વારા મહત્વપૂર્ણ અને પ્રજાલક્ષી નિર્ણય લેવામાં આવ્યો છે. વેરા વસૂલાતને ધ્યાનમાં રાખીને શનિવાર અને રવિવારના દિવસોમાં પણ કચેરીઓ ખુલ્લી રાખવાનો નિર્ણય કરવામાં આવ્યો છે.

RMC દ્વારા ખાસ આયોજન

માહિતી મુજબ શહેરમાં વેરા વસૂલાત વધારવા તેમજ કરદાતાઓને સરળતા રહે તે માટે RMC દ્વારા ખાસ આયોજન કરવામાં આવ્યું છે. આ અંતર્ગત તમામ બોર્ડ કચેરીઓ અને ઝોન કચેરીઓ શનિ-રવિવારે કાર્યરત રાખવામાં આવશે જેથી લોકો સરળતાથી પોતાનો વેરો ભરી શકે.

વ્યાજમાફી યોજનાનો લાભ

તંત્ર દ્વારા શરૂ કરાયેલી વ્યાજમાફી યોજનાનો લાભ વધુમાં વધુ નાગરિકોને મળી રહે તે હેતુથી આ નિર્ણય લેવામાં આવ્યો હોવાનું જણાવવામાં આવ્યું છે. કરદાતાઓને તેમની બાકી રકમ પર વ્યાજમાં રાહત મળવાની તક મળશે.

31 માર્ચ સુધીની સમય મર્યાદા

નગરપાલિકા તંત્ર દ્વારા જણાવ્યા મુજબ વ્યાજમાફી યોજનાનો લાભ લેવા માટે 31 માર્ચ સુધીની સમય મર્યાદા નક્કી કરવામાં આવી છે. તેથી કરદાતાઓને આ સમયગાળા દરમિયાન વેરો ભરવા માટે ખાસ તક આપવામાં આવી રહી છે.

આ પણ વાંચો---     Ahmedabad : ગુજરાત હાઇકોર્ટનો ઐતિહાસિક મોટો આદેશ, મુસ્લિમ યુવકને હિન્દુ યુવતી સાથે લગ્ન કરવા મંજૂરી