મહાનગરો બાદ હવે ગ્રામ્ય વિસ્તારોમાં પણ નશાના કારોબારે પગપેસારો કર્યો છે. તાજેતરમાં રાજકોટ શહેર બાદ હવે જિલ્લાના ગ્રામ્ય પંથકમાં ગાંજાના ગેરકાયદેસર વાવેતરનો પર્દાફાશ થયો છે. રાજકોટ જિલ્લા એસઓજી (Rajkot SOG) ટીમે બાતમીના આધારે સુલતાનપુર પોલીસ સ્ટેશન વિસ્તારમાં રેડ કરીને ખેતરમાં થતા ગાંજાના વાવેતરને ઝડપી લીધું છે.
વાડીમાં છુપાયેલું હતું નશાનું વાવેતર
મળતી માહિતી મુજબ, નિર્મળ નાથાભાઈ ડેર નામના શખ્સે પોતાની વાડીમાં છુપી રીતે ગાંજાનું વાવેતર કર્યું હતું. આરોપી છેલ્લા 4 મહિનાથી આ ગેરકાયદેસર પ્રવૃત્તિમાં સંડોવાયેલો હતો. પોલીસની રેડ દરમિયાન વાડીમાંથી કુલ 21.300 કિલોગ્રામ ગાંજાનો જથ્થો મળી આવ્યો હતો, જેની બજાર કિંમત અંદાજે રૂપિયા 10.65 લાખ આંકવામાં આવી રહી છે.
