રાજકોટ જિલ્લામાં કરોડોની કિંમતી જમીન મામલે મોટી કાર્યવાહી કરવામાં આવી છે.કુવાડવા નજીક સાતડા ગામે અંદાજે 6 એકર જમીન ખાલસા કરવાનો આદેશ કલેકટરે કર્યો છે. આ જમીનની બજાર કિંમત આશરે 10 કરોડ રૂપિયા ગણાય છે, જે હવે સરકારી જમીન તરીકે નોંધાઈ ગઈ છે.ઉલ્લેખનીય છે કે, રાજકોટના જંગલેશ્વરમાં પણ હાલમાં ડિમોલિશનની કામગીરી પૂર્ણ કરવામાં આવી છે.
જિલ્લામાં ગેરરીતિઓ સામે કડક સંદેશ
મહેસૂલી રેકોર્ડમાં વિસંગતતા અને જમીન સંબંધિત શરતોના ભંગને કારણે આ નિર્ણય લેવામાં આવ્યો હોવાનું અધિકારીઓએ જણાવ્યું હતું.તપાસ દરમિયાન જમીનના હસ્તાંતરણ અને ઉપયોગમાં નિયમોનું ઉલ્લંઘન સામે આવ્યું હતું.લાંબા સમય બાદ વારસદારો દ્વારા કરવામાં આવેલી અરજી પણ ફગાવી દેવામાં આવી છે.કલેકટરના આદેશ બાદ મહેસૂલી વિભાગે જરૂરી પ્રક્રિયા પૂર્ણ કરી જમીન સરકારના નામે દાખલ કરી છે.આ કાર્યવાહીથી જિલ્લામાં ગેરરીતિઓ સામે કડક સંદેશ ગયો છે.
