Rajkot News: ધ્રુવી કોટેચા અકસ્માતના ગોંડલમાં ઘેરા પ્રત્યાઘાત, પરિવારને ન્યાય મળે તેવી માંગ

રાજકોટમાં 9 નવેમ્બર થયેલા અકસ્માતમાં ધ્રુવી કોટેચાનું નીધન થયું હતું. અકસ્માતકર્તા મહિલા સામે કડક કાર્યવાહી કરવામાં આવે તેવી માંગ ગોંડલના લોહાણા સમાજ દ્વારા કરવામાં આવી છે. લોહાણા સમાજે આ અકસ્માત સર્જનાર કૃતિકા શેઠ નામની મહિલા સામે કડક કાર્યવાહી કરવામાં આવે અને તેને સખત સજા કરવામાં આવે તેવી માંગ કરી છે.

લોહાણા મહાજન વાડીમાં મીટિંગ યોજાઈ 

રાજકોટમાં ધ્રુવી કોટેચાનું મોત માર્ગ અકસ્માત થયું હતું. આ અંગે ગોંડલમાં લોહાણા સમાજની લોહાણા મહાજન વાડીમાં મીટિંગ યોજાઈ હતી. આ બેઠક બાદ ગોંડલ લોહાણા સમાજ દ્વારા ડે. કલેક્ટરને આવેદન પત્ર પાઠવવામાં આવ્યું હતું. આ આવેદન પત્રમાં અકસ્માત સર્જનારી મહિલા સામે કડક કાર્યવાહીની માંગ કરવામાં આવી છે.

ધ્રુવી કોટેચાના પરિવારને ન્યાય મળે તેવી માંગ

ગોંડલ લોહાણા સમાજ દ્વારા લોહાણા મહાજન વાડી ખાતે એક અગત્યની મિટિંગ યોજાઈ હતી. મિટિંગમાં અકસ્માતમાં સારવાર દરમિયાનન મૃત્યુ પામનારી દીકરી ધ્રુવી કોટેચાના પરિવારને ન્યાય મળે તે અંગે ચર્ચા કરવામાં આવી હતી. ઘટના અંગે લોહાણા સમાજની અલગ અલગ ચાર સંસ્થાઓ દ્વારા ગોંડલ ડેપ્યુટી કલેકટરને આવેદન પત્ર પાઠવી આક્રોશ સાથે ઉગ્ર રજુઆત કરી છે. પુરપાટ ઝડપે કાર ચલાવી અકસ્માત સર્જનારી મહિલા સામે પોલીસ દ્વારા કડક કાર્યવાહી કરે તેવી લોહાણા સમાજ દ્વારા માંગ કરવામાં આવી છે.

9 નવેમ્બરના રોજ કૃતિકા શેઠ નામની મહિલાએ સર્જ્યો હતો અકસ્માત

ઉલ્લખનીય છે કે, 9 નવેમ્બરના રોજ કૃતિકા શેઠ નામની મહિલાએ પૂરપાટમાં કાર હંકારી હતી. જે દરમિયાન તેણે 14 વર્ષીય ધુવી કોટેચાને અડફેટે લીધી હતી. જે કારણે તેને સારવાર અર્થે ખાનગી હોસ્પિટલમાં ખસેડવામાં આવી હતી. જે દરમિયાન તેનું મોત નીપજ્યું હતું.