અમરેલી જિલ્લાની સહકારી ક્ષેત્રની મહત્વની ગણાતી રાજુલા નાગરિક બેન્કના પ્રમુખ અને ઉપપ્રમુખ પદની ચૂંટણી આજે સંપન્ન થઈ હતી. બેન્કની આ ચૂંટણીમાં સત્તાધારી પક્ષનો દબદબો જળવાઈ રહ્યો હતો અને બંને મુખ્ય હોદ્દાઓ પર બિનહરીફ વરણી કરવામાં આવી છે.
પ્રમુખ અને ઉપપ્રમુખની બિનહરીફ વરણી થઇ
ચૂંટણી પ્રક્રિયા દરમિયાન પ્રમુખ તરીકે વિજયભાઈ કોટીલા અને ઉપપ્રમુખ તરીકે કશ્યપ શેઠના નામોની દરખાસ્ત મૂકવામાં આવી હતી. અન્ય કોઈ ઉમેદવારી ન નોંધાતા ચૂંટણી અધિકારી દ્વારા આ બંને મહાનુભાવોને બિનહરીફ જાહેર કરવામાં આવ્યા હતા. રાજુલા શહેરની આ પ્રતિષ્ઠિત સહકારી સંસ્થાના સુકાની તરીકે અનુભવી નેતાઓ આવતા બેન્કના ગ્રાહકો અને સભાસદોમાં ખુશીની લહેર જોવા મળી છે.
