સુરત જિલ્લાના માંગરોળ તાલુકાના મોટા બોરસરા ગામે આજે અચાનક આગ લાગવાની ઘટના બનતા સ્થાનિકોમાં ફફડાટ વ્યાપી ગયો હતો. અહીં આવેલા 66 કે.વી. સબ સ્ટેશનના પ્રિમાઇસિસમાં આગ લાગતા અફરાતફરી સર્જાઈ હતી. સદનસીબે, સમયસર ફાયર બ્રિગેડની ટીમ પહોંચતા મોટી હોનારત ટળી છે.
ભંગાર અને ઘાસચારો બળીને ખાખ
ઘટના મળતી માહિતી અનુસાર, સુરત શહેરમાં મોટા બોરસરા ગામે આવેલા સબ સ્ટેશનના કમ્પાઉન્ડમાં રહેલા સુકા ઘાસચારા અને ત્યાં પડેલા સબ સ્ટેશનના ભંગાર સામાનમાં કોઈ અગમ્ય કારણોસર આગ ફાટી નીકળી હતી. પવનના કારણે આગે જોતજોતામાં રૌદ્ર સ્વરૂપ ધારણ કરી લીધું હતું અને ધુમાડાના ગોટેગોટા આકાશમાં દેખાયા હતા. સબ સ્ટેશનની અંદર આગ લાગી હોવાથી વીજ પુરવઠો ખોરવાય તેવી ભીતિ પણ સેવાઈ હતી.
